Ki kyrtong ka NPP: U Bah Pyniaid Sing Syiem na Mawryngkneng, u Abdul Saleh na Rajabala, ha Mawphlang yn sa pynbna shen

Shillong: Hadien ba ka Election Commission of India ka la pynmih ia ka jingpynbna ha ka 28 tarik u bnai Nailur 2021, ban pynlong noh ia ka elekshon shiteng samoi ha baroh kawei ka ri India bad kumjuh ruh ha kane ka jylla Meghalaya.

Kumta na ka liang ka seng saiñ pyrthei kaba bat ia u lakam synshar ha ka jylla ka National People’s Party(NPP) ka la pynbna ia ki kyrteng jong ki kyrtong ki ban iakhun ha ka elekshon shiteng samoi sha ka ïing dorbar thawaiñ ka jylla ka ban sa long ha ka 30 tarik u bnai Risaw 2021 ha kaba kan pynieng ha baroh laitylli ki konstitwensi kaba kynthup ha Mawryngkneng Constituency, ha Mawphlang Constituency bad ha Rajabala Constituency.

Ka seng NPP kan pynieng da u Bah Pyniaid Sing Syiem na Mawryngkneng Constituency bad da u Abdul Saleh na Rajabala Constituency, katba ha Mawphlang Constituency pat ka seng kam pat rai satia.