Khlad u khynnah ba ïuh ka trok

Shillong:Uwei u khynnah ba dangrit u la khladnoh hadien ba u la shah ïuh, shah tylliat ha kawei ka trok dumper truck hapoh ka shnong Purakhasia, kaba dang hab hapoh West Garo Hills, bad katei ka la jia ha ka sngi Saitjaiñ.

Utei u khyn nah uba la ngat ha katei ka apot la ithuh kyrteng da u Lucks birth S Sangma uba na ka shnong Kotchu Adok, Purakhasia. Katei ka aksiden ka la jia ha ka por kumba 4 baje janmiet katba u tei u khynnah u dang thmu ban jam sha shilliang ka surok.

Katei ka trok dumper kadei kaba dang ïaid ha surok ban leit sha jaka shalan mar shabar, kaba don hapoh Dalu, kaba dei hajan ka khappud ka India bad Bangladesh.
Ha kawei pat ka jingjia, la ïathuh ruh ba uwei u nongñiah thuk thuk u la lait thaw na ka jingïap hadien ba utei uba ñiah u la shah tylliat hapoh ki taïar jong kawei pat ka trok dumper hajan katei kajuh ka jaka.

Kitei ki jingjia ki la wanrah ïa ka jingshongsyier bad sheptieng ha kaba ki nongshong shnong ki la dawa ba dei ban khangnoh ka jingïaid trok lyngba katei ka surok.
Katkum ki kaiphod jingtip ba la ïoh la ïathuh ba habun kum kitei ki jingjia ki nongñiah ki ju phet krad na kitei ki jaka bad iehnoh ruh ïa ki kali kham shakhmat ha kajuh katei ka surok.

Ha kaba ïadei pat bad ka jingjia ïa utei u khynnah rit, u nongñiah u la phet rieh haduh mynta bad ïa katei ka dumper la rah noh da ki pulit sha Mahendraganj PS kaba ha South West Garo Hills.