Mynta kut pakhang shnong , sdang sa pakhang surok

Shillong, 26 Jymmang:
Ka Pakhang shnong ba la khot da ka HNLC kan sdang treikam naduh mynta ka janmiet 6 baje bad kan kut lashai ka 27 tarik u jymmang ha ka por 6 baje janmiet, hynrei tang hadien ar kynta kan sdang biang sa ka pakhang surok miet ka ban sdang naduh ka por 8 baje mynmiet haduh ka por 6 baje mynstep, bad katei ka pakhang surok miet kan kut haduh ka por 6 baje mynstep jong ka 2 tarik u jylliew.
Lah ban kdew ba kham ha shuwa ka HNLC ka la pynbna ia ka pakhang shnong ba 48 kynta hynrei ka la pynhiar noh sha ka 24 kynta, namar ba ka la don ka jingud na ki paidbah khamtam na ki khynnah pule kiba dang shu ioh resol bad kiba bunkam ban leit wad klas.