Khang shnong ka Mawpat ban leit Dorbar Bah

Shillong, 26 Jymmang:
Ka Dorbar Shnong Mawpat pyllun ka la rai ban khang shnong ha ka 30 tarik Jymmang kaba dei ka Dorbah Bah Ka Bri u Hynniewtrep kaba la buh ban long ha madan Polo naduh ka por 11 baje mynstep.
Ka dorbar ka la shim ia kane ka rai ban khang shnong ha katei ka sngi ha ka jingialang kaba long ha kane ka sngi Nyngkong kaba la wan iashim bynta ki nongshong shnong, khnang ban pynlah ia ki paidbah ka shnong ban leit iashim bynta sha ka Dorbah Bah ka Bri u Hynniewtrep.
Ha ka jingpynbna ba la pynlait, u secretary ka Dorbar Shnong Mawpat Pyllun, u Bah E Khar-ir u la ong ka jingkhang shnong ka long ban kyrshan ha ka nongrim jong ka jingiatylli ka jaitbynriew, bad ka la shim ia ka rai ban kyntu ia ki baroh ki dorbar shnong kiba don ha bri u Hynniew Trep ban iapoi ryntih lang ha katei ka sngi khlem kano kano ka jingpyrkhat artatien da kumwei pat, na ka bynta ban pynneh pynsah ia ka riti dustur ba la saindur da u longshwa manshwa na ka bynta ka jingiatylli ka jaitbynriew.