Shillong: Ka Moopynieiñ Socio cultural & Sports Organization (MSCSO) ka la plie ia ka lympung ialehkai football kaba juh tip kum ka 11th cash prize knock-out football tournament 2021 ha u bnai Nailur 16tarik ha ka por 1.00 pm noh phai sngi.
Ia katei ka lympung la wan plie da u Ma Rilamki Dkhar kum u kongsan bad u Ma Kyrshan Blah kum u symbud kongsan.
Ha kane ka jing plie ia kane ka lympung na ka liang u Kongsan ula iaroh ia MSCSO ba ka la lah ban pynlong kum kane ka lympung ka ba iarap shi katdei eh ia ki khun samla jong ka thaiñ. U kongsan ula iaroh ia ki samla kiba ia shim bynta ha kane ka lympung kum shibynta ban pyni ia ka sap ka phong sha kiwei ki para samla. Ula kyntu ruh ia ki samla ban kin kiar raieh raidam na kino kino ki kynja jingdih pynbuiad kiba pyntroiñ ia ka met ka phad, ia ka bor pyrkhat bad ia ka imlang sahlang.
Ha kane jingplie ia kane ka lympung ka la don ka jingialehkai hapdeng ka AB FC pyrshah ia SK United XI, ha kaba ka SK United XI ka la pynliem ia ka AB FC da 2- 1. Ha kane ka sngi la pyniaid ia kane ka lympung da shri Shaniahskhem Dkhar bad da jingdon lang ki rangbah dong bad u rangbah shnong jong ka wapungskur bad kiwei kiwei de.
Phi don ban ong eiei?