Shillong: Ka Executive Committee ka All Meghalaya Dancers Association ka pyntip sha baroh ki riew donsap don phong ha ka shad bad ka rwai kan pynlong ia ka Meghalaya Superstar Season-IV 2021.
Kumta ka AMDA ka khot ka wer ia ki riewdonsap donphong jong ka jylla baroh kawei ban wan shim bynta ha kane ka rynsan lyngba ka sien kaba nyngkong kan pynlong shwa ia ka Online Audition ha ki No. WhatsApp 7641920853/8794541523/9774927286 bad ia ki jingtip ba kham bniah shaphang kane ka rynsan phi lah ban phone ha kitei ki number bad ia ka Semi-Final ngin pynlong hapoh hall ha u bnai October, 2021 bad yn sa pynlait ruh ha ka Youtube Channel bad Local Channel bad ia ka Grand Final yn pynlong ha u bnai December, 2021.
Hadien ba ka AMDA ka la dep ban pynlong ha ki snem ba la dep naduh ka Season-I, Season-II, Season-III, dei lyngba kane ka rynsan la iohlad pat ban plie lynti ia ki riewdonsap rwai bad shad sha ki rynsan bapher bapher ha ka National Level. Ha kane ka kynti jong ka Meghalaya Superstar Season-IV ka AMDA ka la bhah noh la ka jong ia ki nongshad bad ki nongrwai ban ioh ia ka khusnam la ka jong.
Ha kaba iadei bad u nongshad uba lah duh un ioh ka song tyngka Rs. 50,000/- uba ar Rs. 30,000/- uba lai Rs. 25,000/- ryngkat ki Consolation Prize, bad ia ki nongrwai uba lah duh un ioh ka song tyngka Rs. 50,000/- uba ar Rs. 30,000/- uba lai Rs. 25,000/- ryngkat ki Consolation Prize, bad ki Top Finalist ka AMDA kan sa jied ia kba tbit ban phah shim bynta ha ka National level TV Show.
Phi don ban ong eiei?