Ka jing bym iap shuh, kan dei ka jing shisha, ha ki khyndiat snem ban sa wan, tangba katei kan jia, tang na ka bynta jng kito ki dap klur dap million, ong ka khubor jong ka The Sun.
Haduh mynta, U Kim Jong-un, U Vladimir Putin, U Steven Seagal, U Jeff Bezos, U Elon Musk lem bad kiwei ki heh spah, ki dang pynkhreh ia ka projek, ka ban khanglad ia ka jinglong tymmen jongki bad la iathuh ba katei ka jing pynim slem ia u briew, kan sdang treikam naduh ka snem 2050 bad ka jingsumar ia u briew, ba un im tymmen, kan dei da kaba bujli ia ka snam jongu kaba rim, da kaba thymmai lane, da kaba dih da ki dawai kiba la shna kyrpang. Don ruh kiwei pat ki jing ai jingmut, ban bujli ia ka met jong u briew baroh shi rynieng, da ki tiar ki ban shna kyrpang bad ban bujli ia ka jabieng da ki robot.
Ki don ki jingthoh kiba pyni, ba ka jingstad ha ka dawai dashin, ka la kyntiew ia ka jingim jong u briew, da ar shah ha kine ki 200 snem ba ladep bad kitei ki long ba ha ki snem 1800, ka jingim antad jong u briew ha UK, ka long ha ka rta kaba 40 snem, katba mynta, ka la poi sha ka 80 snem.
Ki don mynta palat 100ngut, kiba shim bynta ha kawei ka jingleit shah sumar ialade ha San Francisco bad katei ka jing sumar, ka kynthup ia ka jing bujli ia ka snam, ia kito kiba la kham tymmen bad katei ka shongdor £6,200 bad kito kiba la palat 60 snem ka rta, kin shah injek da ar litar shiteng ka plasma, ha kaba yn shim, na kito kiba dang kham khynnah ka rta jongki.
U Jesse Karmazin, uba dei u stad, uba la sdang ia katei ka jaka sumar, u iathuh ba haduh mynta, ki dak ki shin, ki dei kiba ai jingkyrmen shi katdei. U Karmazin, u ong shuh shuh “Yn nym don satia uno uno u briew, uba dang kwah ban im, ynda haba ula poi sha ka rta kaba 95snem, hynrei, lada lah ban pynkylla ia ka jinglong ka met sha ka rta kaba 29 lane 30 snem, phin sngew kwah hi ban dang im”.
Ka North Korea, ka don jingthmu ban pynim ia u nongialam jongki, U Kim Jong Un, ba un im palat ia ka shispah snem bad la thaw ia katei ka center, kaba kyrpang, na bynta katei ka jing sumar, ha kaba la tip, kum ka “Longevity Center”. Ha katei ka center, yn don ka jing bujli ia ka ka snam, kaba thymmai, kaba yn shim, na ki briew, kiba bam ia ki jingbam kiba tei met.
” Don bun ki buit a ka dohnud u briew (ban kiar na U Blei) hynrei ka jingpyrkhat U Trai kat ka ban neh” (Proverbs 19:21)
ka ktien ka ong shuh shuh : “Ka bainong ka pop ka dei ka jingiap”
Ai kin iapyrshang, namar kim don jaka shuh ban buh ia ka spah jong ki.