Shillong:Ha ka 6 tarik u bnai Nailur 2021, ka Kong Angela Rangad kaba dei ka nongialam jong ka Thmu U Rangli-Juki(TUR) ka la pynpaw ia ka jingsngew khia ba ka Sorkar Jylla kam pat lah satia haduh mynta ban siew ia ka jingiarap sha ki nongbylla sngi bad ka la iathuh ruh ba ki dang don haduh 9 hajar ngut ki bym pat ioh ia ka bhah jong ki. Ka Kong Angela Rangad ka la kren ia katei ha ka jingpynlong ia ka jingsam jingiarap sha ki khun jong ki nongbylla sngi kaba la pynlong ha Polo.
Haba kren sha ki lad pathai khubor, ka Kong Angela Rangad ka la buh ruh ka jingkylli ba kumno ka Sorkar ka la pyllait ia katei ka pisa kaba 33 klur tam sha ka State Bank bad sha ka HDFC hynrei kumno pat kitei ki bank pat ki khlem pat pyllait satia ia katei ka pisa jong u paidbah nongbylla bad ka la ong ruh ba haduh ka Sorkar kam pyntip eiei halor kane ka bynta. Ka Kong Angela Rangad ka la ong ba ka shu kyrmen ba ki nongmihkhmat ka jylla kin rah ia kane ka jingeh jong ki nongbylla hapoh ïingdorbar thawaiñ ban pynlong ka jingiatai iathir.
Phi don ban ong eiei?