Shillong: Ka hukum, kaba la pynmih da U Arpit Upadhyaya, Sub Divisional Officer jong ka Pynursla Civil Sub Division, kaba la thoh da ka phareng, ka bthah ba ki dukan, kiba die marbam kin plie hynriew sngi shi taiew, kaba dei naduh ka Sngi nyngkong, haduh ka sngi saitjain.
Ki dukan, kiba die ia ki tiar, ki bym da donkam eh, kin plie san sngi ha ka shi taiew, lait noh ha ka Sngi Balang.
Ki cyber cafe, ki dukan die kot kin plie hynriew sngi ha ka shi taiew, ki dukan tim, kin plie naduh sngi nyngkong haduh ka sngi thohdieng bad la shah ia ki restaurant bad ki bar, ba kin plie, tangba kin shong tang mar shiteng, na ka jingdon ki jaka shong. La bthah ruh ia ki dukan, ba kin da thoh shai, ia ka jingdon jong ki nongtrei, kiba la dep injek bad ki bym pat dep injek iada covid.
Phi don ban ong eiei?