Ai jingmut ka OHCHR ïa ka RAM ban thung Publicity Secretary, da ka Sanjibita Tariang Sen

Editor,

Hadien 2 taïew ba ka RAM ka la pynsngew ha ki lad pathai khubor ïa ka jingdonkam jong ka seng ban ïoh noh ïa ka Publicity Secretary ba pura, hynnin ka sngi kata ka 2 tarik u September, 2021 ka Seng hadien ba ka la kynjoh ktien na kiwei ki ‘riew shemphang bad Seng bapher bapher, ka la ïohlad ban ïakren syndon bad ka Michelle Bachelet Jeria, kaba dei ruh ka Commissioner for Human Rights na ka Office of the High Commissioner for Human Rights.

Ha kane ka jingïakren lyngba ka phone call, ka I. Kharmuti President ka Rot Association of Meghalaya ka la ïohlad ruh ban pan jingmut ha kiba bun ki liang khamtam ha kaba ïadei bad ka jingpynlong aiñ noh ïa ka kam khaïi met ha kane ka jylla Meghalaya bad ka Ri India hi baroh kawei.

Ka I. Kharmuti ka la ujor ruh syndon sha ka Office of the High Commissioner for Human Rights pyrshah ïa ka Sorkar Meghalaya, kaba kynthup ruh ïa ka Meghalaya Police department bad ka Meghalaya Human Rights Commission namar ki daw jong ka jingleh mynthi bad jingbym pynsngap jong ki ïa ki jingeh ba ki ‘thei nuti ki ïakynduh ha kane ka jylla da ki phew snem mynta.

Na ka liang jong ka Commissioner for Human Rights ka Michelle Bachelet Jeria kaba dei ruh ka President barim jong ka Ri Chile (2006 – 2010 bad 2014 – 2018) ka la ai jingmut ïa ka Rot Association of Meghalaya ban jied bad pan jingïarap na ka Kong Sanjibita McDonald Tariang Sen kaba dei ka Vice Consul ha ka British Deputy High Commission, Kolkata. Kane ka President ba don burom jong ka Ri Chile ka la kular ruh ban ïakren bad ka Sorkar India halor kine ki jingeh baroh ba ki ‘thei nuti ha kane ka jylla ki ïakynduh.