Ka surok National Highway, la kum ka jaka sum sniang

Ka jylla Meghalaya ka dei ka ba la kyrkhu da u Blei, da ka mariang nadong sha dong. Bun Ki iaroh ia ka hangne hangtai. Na ki file na ki khubor ngi ki rit ki ria ngi iohi ngi tip ba ka sorkar ka pynlut da ki phew lak ki phew klur ban wanrah ki project ban roi ban par ban im ki paid ka jylla. Tangba tip shisha kita ki jingthoh ki jingthmu ki jingkular ki kut ha miej hapoh file ne ki da long seisoh shisha ne em.

Haba peit te imat em.ka jylla jong ngi kaba tang shi troh (area 22,700 sq km approx), katba ki toll gate ki jaka khrong pat ki bun byllei ha man la ki dong ki jaka.ka jingdon ki toll gate ha jaintia hills (kawei ha lumshnong east jaintia kawei ha ialong west jaintia) , ha ribhoi ha east khasi hills. Kine ki toll gate ki khrong pisa da ki lak ki klur ban pynbha ia ki surok hynrei phewse da markhongpong. Kam don jingmyntoi ei ei haba peit kam wanrah ia ki surok ki highways kiba kat kum ka standard ba lah thew lah mang. Tip shaei jah ka pisa katba ia u surok long kum ka nurok ka ksew kum ka jaka sum ki sniang .ka surok ki ong ka dei u budlum ka roi ka par.

Wat ia u surok national highway dang shah iehbein tip katno songsat ki surok sha nongkyndong lei. Ban iaid ban iah kali ym long shuh, ha baroh shi lynter u surok national highway 6 satang ki thliew ki potholes suda. Iaid ruh tyngkhuh sangeh ruh blok sa ka aksiden. Tip kumno ki nongmihkhmat Naduh u cm u minister road transport ki jah shaei?? Ne kine kim pyndonkam surok shuh tangba lah dep sign lah dep phah UC lahbiang. Ki ia her na suiñ na shnong sha Shyllong, Tura, Williamnagar, Ampati khliehriat wahiajer mairang pynursla ter ter.

Ko sorkar sngewbha peit lem ia ngi ki ba pyndonkam surok. Lada niah da Kali private ne Kali kamai hap hi ban siew tax. Ym donlad ia ngi ban her ban ioh escort ban ioh VIP vvip tag. Wat kynnoh ia ka mariang. Lada Slap ne shit la tlang ne lyiur ki surok ki juh hi kim juh bha katba ka tax pat hap siew beit ha ka dor ba rem. Sniawbha pyndap pynshna ban lait na ka mynsaw mynsain ka aksiden. Ban maramot tang ia ki thliew ki potholes ruh ym don ba pathiaw. Shwa ban jia kaei re kaei kaba sngewsih ia ka iaid ka ieng u paidbah ki kali ki mator sngewbha leh ia kaba lah bynshet. Iano yn kynnoh? Ia u nongjied? Ne ia u nongshahjied?.

U ba leit ba wan man ka por.

Dr R Phawa