U Bah James, Hadrian bad Kong Grace ki EM rDeputy CEM u MDC Mawlai

Shillong, 17 Jymmang:
U MDC ka Mawlai ba phet sha ka Congress u Bah Process T Sawkmie un ioh shuki Deputy Chief Executive Member, katba lai ngut kiwei kyn thup u Bah James Syl liang, Grace Mary Khar puri, bad u Bah Hadrian Lyngdoh kiba shet ia ka ARPA kin ioh shuki Executive Member ha ka Executive Committee thymmai ban ialam da u CEM Bah Pynshngain N Syiem.
Nalor kine kiwei pat kiban ioh shuki EM ki long u MDC ka Lyngkyrdem Bah Jansing Tynsong, u MDC ka Laitumkhrah u Antonio War bad u MDC ka Maw phlang Bah Lamphrang Blah, u MDC ka Mawkynrew Bah Banteidor Lyngdoh bd u MDC ka Sohra Bah Donevan Wanlang.
Katkum ka jingong jong u CEM ia ki kyrteng yn phah sha u Lat ka jylla ha ka sngi Nyngkong.
‘Ngan sa sam ia ki tnad hadien ba la ioh ia ka jingmynjur na u Lat”, la ong u bah Syiem.