Maham U SP Traffic, ia ki nongniah kiba ieh khlem akor ia ki maw ba kyrshan kali

Shillong: U Shailendra Bamaniya, Superintendent of Police (Traffic), East Khasi Hills, u pyntip, ba ki don ki kali, khamtam ki kali kamai, kiba ju buh maw ban kyrshan ia ki kali jongki, ha ka por ba ki pynieng bad hadien, ki shu iehnoh ia kitei ki maw ha kajuh ka jaka bad kane ka buh jingeh ia kiba leit ba wan bad ka ju wan rah ruh, ia ka jing ia tyngkhuh kali bad ka pynthut ruh ia ka leit ka wan ki kali, kaba long pyrshah ia ka ain jong ka Motor Vehicle Act.

Kumta ka Shillong Traffic Police (STP), ka kyrpad ia ki nongniah ba kin kiar na katei ka jingleh thurmur, ba ka pynthut ia ka leit ka wan ha ki surok. La bthah ruh ia kito kiba lap, ba ka don kaba kum katei ka jingleh thurmu, ba kin pyntip sha ka Police Control Room, Shillong, da kaba phone ha ki number 100 / 0364-2215427 / 0364-2222277.WhatsApp Number – 60091-96479.