Shillong:U bah Donboklang Kharlyngdoh u President ka HYC Mawlai Circle, u ba dei ruh u dkhot jong ka Sur ki nongMawlai, u la iathuh ba ha ka jingleit buddien jong ki Sur ki Nong Mawlai ia ka jingujor ejahar, halor ka jingjia ia u bah Cheristerfield Thangkhiew kaba la register hapoh Mawlai Police Station la lap ba ka long tang ka ba ki la shu pyndep rukom.
Haba ia kren bad ki lad pathai khubor na ka liang u bah Kharlyngdoh u la ong “Ngi la bud dien ia ka ejahar kaba la dep ban ujor ha Mawlai Police station ha kaba ka la buh ha ka jinglyngngoh namar ba ka long tang ka jingpyndep rukom kum ba ong ba yn tohkit ia u nongtuh da u nongtuh hi”.
U la ong ba la pyngngat ia kane ka case hapoh ka kyndon 304 ha kaba ki pulit ki la thung ia ka Incharge Officer da ka pulit kynthei kaba don ha ka kyrdan Sub-Inspector kiba dang hap ban salute shiphew sien haba ki wan kine ki heh pulit bad halor kane ka Case, yn ym don ban lah ban mutdur ba ka SI kan shim jingkylli kat ia ka rank Superintendent of Police khamtam kiba dei ki IPS.
“Hangne ka paw shai ba ka don ka jingdkoh ha ka jingtohkit na ka liang ki tnad pulit, hynrei kaba don ia ka jingkyrmen ka long ba lada kane ka Inquiry Commitee ka ba la dep thung da ka sorkar kan weng shuwa ia u SP EJH,SP Traffic bad DGP kan sa don ka jingtohkit kaba khuid”u la ong.
U bah Kharlyngdoh, u la ong ruh, ba ynda la lah ban weng kam shipor ia kine ki heh pulit, bad ba ka jingtoh kit kan iaid shakhmat bad lada lap ba ki don kti sa pynngat ha ki kyndon kiba don ha ka ain bad ban weng kam noh syndon ruh ia ki.
Lada ka sorkar ka ong katkum ba mih paw ha ki social media kam iahap pt katkum kane ka khubor ba ki khynnah skul ki hap bn kylli jingkylli lane bn pynshitom ia la ki jong ki nong hikai….lada ki bakla….kamut bd ka pawshai ba ia mynta ka kynti jong ki san snem ka sorkar ka ba don ha kabor ba synshar kam pt kot bor bn synshar haba iadei bad ka khuid ka suba ha ki liang baroh…khublei shibun