Iehnoh kam u dkhot rangbah ka MSM

Jowai, 15 Jymmang:
U ma Lamthij Garod, uwei na ki dkhot ba shitrhem ka Mait Shaphrang Movement (MSM) u la iehnoh kam naduh kane ka 8 tarik une u bnai. Utei u rangbah u la iathuh ba u la iasoh ialade bad ka MSM naduh u snem 2005 bad ha kane ka kynti u la hap ban iehnoh kam noh hadien ba um don shuh ia ka met ka phad kaba khlain. Na ka liang jong u ma Garod u la ai khublei ia u President ba radbah jong ka MSM u bah Michael N Syiem bad ia kiwei kiwei ki nongialam bad ki dkhot kiba la trei shitom na ka bynta ka bha ka miat ka jaitbynriew khamtam eh ha kaban pynsngewthuh ia ki paidbah ha ka jingiadei bad ka Right to Information Act, 2005 ka ba dei ka hok ban ioh jingtip na ki tnad sorkar bapher bapher.