San ngut ki briew, ki la iap ei, ha ka jingshah siat bad shah thang im, ha ki ehrang DNLA bad katei ka jingjia, ka la jia ha ka miet jong ka sngi palei, ha Dima Hasao district, jong ka Assam.
Ki ehrang DNLA (Dimasa National Liberation Army), ki la siat naphang ia hynniew tylli ki trok kiba kit dewiong bad hadien kata, ki sa thang naphang haduh ba kin da ingkhong. Katei ka jingjia, ka dei ha Diyungmukh, kaba don ha Dima Hasao district. Kitei ki trok, ki dei kiba leit sha Lanka, kaba ha Hojai district bad ki dei kiba wan na Umrangso.
La ioh tam ia kitei ki san tylli ki met iap, na kitei ki trok kiba la ingkhong. La iathuh ba arngut na ki nongniah ki iap, da kaba shah siat bad 3ngut, ki iap da kaba shah thang, ha ka por ba ki kem ding kitei ki kali.
Ki Jaidbynriew hynñiew trep jong ngi ki don ne m ha kani ka jingiap??