Naduh sngi saitjain, yn shah thngan beit u CEM

Shillong, 13 Jymmang:
U CEM ka KHADC u Bah Adelbert Nongrum u la ong ba un iaid sha khmat beit ia ka jingshah thngan kaban sdang naduh ka sngi Saitjain lada ka sorkar kam ai ia ka jubab kumba la dawa kaban kut ha ka sngi Thohdieng.
‘Nga la rai ban iaid shakhmat ban shah thngan naduh ka sngi Saitjain lada ka sorkar jylla kam ai ia ka jubab ha ka sngi kaba dei ka sngi ba la buh ba kan ai jubab”, la ong u Bah Nongrum.
Ia ka jaka ban shah thngan haduh ban da iap ym pat dep buh bad yn sa pynbna hadien.
“Nga ieng beit ha ka nongrim ba ngam nym kynran dien ia ka rai. Ka jingshah thngan haduh ban da iap kan iaid beit, ym don ba lah ban khang lad ia ka jingthmu shah thngan jong nga,” la ong u CEM.
U Bah Nongrum u la ong ba ka sorkar jylla ka dei ban pdiang noh ia ka Village Administration Bill bad ban phah sha u Lat ka jylla mardor.
U la ong ba ka rai jong ka Kashari High court ka la ktah ia ki rangbah shnong bad dawa ba ka sorkar ka dei ban nym thaw ia ka ain hynrei ban pdiang ia ka VAB jong ka KHADC.
Ka jingpyrshang ban shna ain da ka sorkar jylla kan long ka jingknieh ia ka bor jong ka Council.
Ka KHNAM ka la kyrshan ia ka rai shah thngan jong u CEM  ban dawa pynurlong noh ia ka Village Administration Bill.