Nongpoh: Ka District Magistrate, Ri Bhoi District, ka la pynjari da ka kyndon 144 Cr.PC, na ka bynta ban khang pyrshah ban iaid kino kino ki trok ki trok kitkhia ba kin iaid na ki surok shnong, kiba kynthup ia ka surok na Mawmaram- Mawmih- Ladumsaw-Byrwa bad shaduh Sumer, nangta pat ka surok na Umrit-Umling ne sha 20mer, namar kan sa ktah ia ka Jingkieng Lailad.
La pynjari ia katei ka kyndon Ain, ka dei hadien ba la don ka jingujor halor jingdon bun ki trok kiba la kitkhia, kiba la iaid sahuh lyngba kitei ki surok bad kaba la wanrah ia ka jingjulor ia kitei ki surok bad khamtam eh haba iadei bad ka Jingkieng ha Lailad, namar lada ki kali kitkhia kin iaid lyngba katei ka Jingkieng, ka lah ban don jingthut bad ka ban sa wanrah jingeh ia ki paidbah.
Ha kajuh ruh ka por, la khang pyrshah ban iaid ki kali kitkhia lyngba katei ka Jingkieng Umsiang, khnang ba ym don jingthut ha katei ka Jingkieng bad ia ka surok ruh kumjuh.
Phi don ban ong eiei?