Bym bud ryntih ia ki kyndon, shah khot hajir ki trai par maw ha Ri Bhoi

Nongpoh:Ka Deputy Commissioner Ri Bhoi District, ka la pynbna ba ki don katto katne tylli ki par tih maw, kiba la lap ba kim shym la bud thik ia ki kyndon ka Meghalaya State Pollution Control Board, katkum ka Environmental Compensation jong ka National Green Tribunal (NGT), kumta la khot hajir ha ki trai par maw bad jaka tylliat maw kiba don ha ki jaka bapher bapher ha Ri Bhoi.

Ka DC Ri Bhoi, ka la pynpaw, ba la jingbthah ia ki trai jong ki par maw bad ki karkhana tyllait maw ban wan mih ne shim ia ka jingthoh ne jingpynbna na ka ophis jong Deputy Commissioner, Nongpoh, Revenue Branch naduh ka 19 tarik u Nailar haduh ka 26 tarik Nailar 2021.

Kine ki trai ne ki nongpyniaid jong ki par maw bad ki karkhana tylliat maw ki kynthup ia ka kong Mati Nongrum, kong Martina Tariang, Concord L.T, u Jyoti Agarwal ha shnong Killing, Shyamlal, Rajesh Agarwal, Giri Mohanta, Dinesh Sharma, Anchu Agarwal ha shnong Umtyrnga Chibra, u Tanmay Bordoloi bad Anu Basumatri, Halodor Dolloi, Pappu Agarwal (Dinesh Agarwal) ha shnong Barapathar bad u Niraj Agarwala ha shnong Maikhuli.