Shillong: U Conrad Sangma, myntri rangbah ka jylla, mynta ka sngi, ula kren shai ba ka sorkar Jylla, ka mynjur ban iakren bad ka seng kaikhlaw, ka Hynniewtrep National Liberation Council (HNLC), lada kam don kano kano ka jing buh kyndon ha ka jing iakren.
U Sangma, u ong ba ka HNLC, ka dei ban sangeh na ki kam pyn kulmar jong bad ban iakren bad ka sorkar jylla, ha ki kyndon jong ka riti synshar ka Ri India bad u ong ba ka sorkar, ka la phah ktien, lyngba ki lad bapher ban sdang ia ka jing iakren iasuk.
Ha ka shithi jong ka HNLC, la sngewthuh ba ka pyn iasoh bad ka Standstill agreement bad kumjuh ia ka Instrument of Accession, ha kaba ka sorkar kam shym mynjur satia.
“Kine ki kyndon, kim dei satia ban don bad ia kane la pyntip bad ba ki dei ban ai da ka shithi bad ban weng noh ia baroh ki kyndon bad ba kin iaid ha ki kyndon jong ka riti synshar ri bad ban sangeh ia ki jing pyn kulmar” ong U Sangma.
Phi don ban ong eiei?