Dawa ka UDP Youth Wing, ban pan map u heh Congress

Shillong: Ka UDP Shillong city youth wing, ka dawa ia u nongialam jong ka seng congress, U Randeep Singh Surjewala, ba un pan map, ba u pyn ia syriem ia ki khun samla bad ki riew kieng atiar.

Ha ka jing pynmih khubor, ka UDP ka dap da ka jingsngewkhia, jingsngewsih bad ka jingbitar kaba jur haba iohi ia kine ki jing niew beiñ bad shah kynthoh kulmar na une u nongialam ka seng congress ha kaba u lah kynnoh ba ki khun samla jong ka jaitbynriew ki long bad iasyriem kum ki lehnoh riew kieng atiar.

“Ka seng ka dawa ban panmap mardor na ki khun samla jong ka Ri Khasi namar ngim dei kita ki riew ngi kieng atiar, kumba u lah kynnoh lehse u lah shu mutdur kulmar namar u lah shu peit ia kaei ba jia ha ka ri Afghanistan bad u lah pynwan dur kumta hangne ha ka Ri Khasi kaba dei ka Ri Tip Briew Ri Tip Blei. Bunsien kine ki jingshah kynthoh ki ju iai jia na ka por sha ka por na ki briew kiba nabar kane ka long kumba pynshit” ong ka kyrwoh na U bah Desmond KL Mawlong, Vice President UDP Youth Wing, Shillong City.