Shiteng synnia, siat ki pulit Assam ha khappud Mizoram, mynsaw u samla Mizo

Guwahati: Mynta ka sngi, dang step phyrngab, ka la don ka jing ia siat ha khappud jong ka Assam bad ka Mizoram, ha Hailakandi district.

Ka jingjia, ka dei ha ka por 2baje mynstep, ha kaba ki pulit Assam, ki la siat ia ki briew kiba wan na Mizoram sha khappud jong ka Assam bad katei ka dei ha ka por ba ki pulit Assam, ki dang tei ia ka ktem jongki, ha katei ka por shiteng synnia.

Namar ka jingdum synnia jong ka miet, kumta ki pulit, ki shu iohi, ia ka jingba torch light bad kumta, la siat kuli noh ban pyntieng ia kitei kiba leit tur sha ka liang jong ka Assam.

Haduh mynta, ym shym la ioh khubor satia, la ki don ne em kiba mynsaw, hynrei la pynthikna ba ka Assam, kam don ia kiba mynsaw, katba na Mizoram, u don uwei u samla, uba leit shah sumar ha ka hospital ha Bilaipur, kaba don ha khappud jong ka Assam bad ka Mizoram.