3 sngi u President KSU ha phatok, 6 ki jingjia shah thang

Shillong, 10 Jymmang:
U President Rang bah ka KSU u samla Daniel Khyriem, mynta u la don 3 sngi ha phatok na duh ba u shah kem ha ka 7 tarik u jymmang, 2015. Tang khyndiat kynta hadien ka jingshah kem u President ka KSU kata ha kajuh hi ka sngi ki la don ar tylli ki jingjia shah thang ha nongbah Shil long, ha kaba kawei ka la jia ha Polo ha kaba kawei ka dukan bar jylla ka la shah kawang Petrol Bomb bad tang da ki khyndiat minit hadien sa kawei pat ka kali sorkar kaba dei jong ka tnad Veterinary kaba pynieng ha phyllaw ophis ha Garikhana ka la sha hkwang Petrol Bomb.
Kham hadien katei ka jingjia ha ka sngi kaba bud, ka jingshah thang ka la ji aruh ha ri-Bhoi ha kaba ar tylli ki ophis sorkar kawei ha Umling bad kawei ha Umsning ki la shah kawang Petrol Bomb. Hadien katei ka la don pat sa ar tylli ki jingjia ha kaba ha ka 9 tarik mynta u bnai ka ophis jong ka Bio-Resource Development Centre, Agriculture Department, kaba don ha 5 mer, Upper Shillong ka la shah kawang Petrol Bomb bad ha katei ka jingjia ki tiar kiba don ha kamra u Director ki la ingkhong bad ha katei ka juh ka sngi ka ophis jong ka Soil Conservation kaba don ha Jowai ka la shah kawang Petrol Bomb, hynrei kam shym la don kano kano ka jingduh jingum.