Ujor ejahar ka President jong ka STIEH, halor ka jing kren pyn budnam ka Megha

Shillong: Ka kong Deiwi Tongper, kaba dei ka President jong ka STIEH, hynnin ka sngi, ka la ejahar sha Sardar Police Station, pyrshah ia ka Megha Purkayastha, kaba thoh ha instagram, ha kaba ka ong, ba man ka don ka sngi laitluid, ka ju don ka korphiw ha ka nongbah Shillong bad ka kong Tongper, ka ong ba man ka sngi laitluid ka ju don ka jingrakhe bad shim bynta jong u paidlang jong ka jylla.

Nangta ka Purkayastha, ka kynnoh ruh ba ki trai shnong ka jylla, ki ju pyniap bad pyn jynjar ia ki bar jylla bad nangta ka kynnoh ba ki trai shnong ka jylla, ki ju khanglad ia ki jing lehniam jong ki hindu, khamtam ia ki jinglehniam jong ki Bengalee bad nangta, ka kong Tongper, ka ong shuh shuh ba katei ka briew, ka pyn ia syriem ruh ia ka Shillong bad ka dei ka Mini Kashmir. Ka kong Tongper, kumta ka ujor pyrshah ia katei ka briew, ha kaba ki pulit jong ka Sadar, kin hap ban tohkit.