Wan poi 2 pyrton ki CRPF bad 2 pyrton ki shipai BSF ha Nongbah Shillong ban pahara kylleng kylleng

Shillong: Ka jingkhluit bad ka jingbitar jong ki paidbah ka la pynlong ban mih katto katne ki jinghuri hura kiba long pyrshah ia ka Sorkar ha Nongbah Shillong bad khnang ban wanrah biang ia ka jingshongsuk shongsaiñ, ka Sorkar Jylla ka la pyntip sha ka Sorkar Pdeng ia kane ka jingmih ka kynrum kynra bad ka la pan ruh ia ki pyrton shipai ba kan iarap lem ia ka jylla ban tehlakam ia ka jingmih ki kynrum kynram.

Hadien ba ka Sorkar Jylla ka la dep ban shong ia ka jingialang jong ka kynhun ki Myntri ha ka 16 tarik u bnai Nailar 2021, u Conrad K Sangma u la iathuh ba u la dep ban iakren bad u Myntri ki kam pohïing jong ka Sorkar Pdeng bad ka Sorkar Jylla ka la pan kumba 3 pyrton ki CRPF bad 2 pyrton ki shipai BSF na ka tnad ki kam pohiing ka Sorkar Pdeng. U Conrad u la iathuh ba tad haduh mynta ki la wan poi 2 pyrton ki CRPF bad 2 pyrton ki shipai BSF ban pahara ha kylleng ka Nongbah Shillong.