Kurup ki ehrang Taliban, ia ka Jalalabad, ki la nang jah ban poi sha Kabul

Ki ehrang Taliban, ki la ioh ban kurup ia ka nongbah jong ka Jalalabad, mynta ka sngi, khlem da don kano kano ka jing ialeh pyrshah da ki shipai Afghanistan. Lyngba ka jing kurup jong ki ehrang Taliban, ia ka Jalalabad, ka la nang kham pynsuk ia ki, ba kin nang tur shakhmat ban ioh kurup syndon ia ka nongbah jong katei ka Ri, ka Kabul.

Ha ki phra taiew ba ladep, ki ehrang Taliban, ki la ioh kurup ia shibun ki nongbah ba paw nam jong katei ka Ri, kiba kynthup ia ka Mazar-i-Sharif, Logar province, Kandahar, Herat nalor kiwei pat.