Ha ka kyrteng ka Jaidbynriew Hynńiewtrep kaba lah kdup lah ri, kaba lah pyn longdoh pyn longsnam, ka ri umsnam u ‘ńi u kong bad ka ri tipbriew tipblei, Nga ai khublei iaka Jaidbynriew kaba lah pynmih ia u tirot Sing,kaba lah pynmih ia u Kiang Nangbah bad ia u Wickliff syiem. Nga ai khublei ruh ia u Blei nongbuh nongthaw ba u lah ai ia u Bah Bull bad ka KSU bad kumjuh ruh u lah ai ia u Bah Cheris bad ka HNLC kum u Nonghikai,nongialam bad u nongprat lynti, kiba kine baroh ki ialeh na bynta ka jingeh bad ka Jinglaitluid ka Jaidbynriew u khun Hynńiewtrep salonsar.
Ha kane ka Lyngkhuh sngikha ba 34 jong ka HNLC nga ai khublei kyrpang iaki bahaiing bahasem jong ki dkhot kiba Lah khlad bad kiba dangim, nga ai khublei ruh iaki nongiarap,ki paidbah kumjuh iaki Sengbhalang.
Nyngkong nyngshap,nga sngew bynniaw ban ong ba imat ka jingsuk kan nym wanphai shuh haka Jaidbynriew jongngi hadien baki pulit ki lah dkhat jubor ia ka jingim u bah Che uba baroh shi katta u lah pyrshang ban iengpdeng na bynta ban wanrah iaka seng bad ka sorkar ban ia sngewthuh jingmut. Ki dang don ki kti ba buhrieh sha lyndet kiba long ka daw ka jingpyniap ia u Bah Che. Ban kem bad ban siatiap ia ki nongialam ka Jaidbynriew ka dei ka buit treikam ka sorkar(government official policy).Ka HNLC kam khmih lynti shuh ia ka jingsuk namar ka sorkar ka kwah ia ka jingiaumsnam….ngin hap ban jubab ruh da ka jingiaumsnam.
Na ka por sha ka por ruh, ka sorkar ka kwah iaka HNLC ban wan pyndem bad ban shimkabu iaka song jingiarap Pisa,halor kane nga kwah ban krenshai ba daleilei ngin nym pyndemwait noh lymne ngin nym tare ia ka song jingiarap naka sorkar hynrei ngi kwah ba ka sorkar India kan siew bad pynbha pat(reparation) ia kaei kaba ka la leh lah kumba 74 snem iaka Jaidbynriew Hynńiewtrep. Ka Jaidbynriew Hynńiewtrep ka lah shu shah pynsoi jubor ban iasoh bad ka India bad dei namarkata ba sa mih bun ki kynrum kynram.Ngi lah shah lute iaka kyrteng trai ka ri jongngi da kaba ki buh bujli daka ktien sankrit kaba long ‘Meghalaya’, ngi lah shah lute ruh iaka ktien khasi ha kaba ka sorkar kam shym lah ithuh haduh mynta. Ka jaka jongngi ha thain Umpling lah shu aiei kumto iaki phetwir Bengali hindu na Bangladesh. Ha kajuh ka por ngi lah duhnoh ia kiba bun ki mynsiem baluilui, ngi lah duh noh ia u pud u sam ba tikna sha khappud kumjuh ruh ngi lah duhei iaka khyndew ka shyiap ha sor bad ha nongkyndong kaba lah shu klun ei kumto da ki shipai India. Kumta ka HNLC ka dawa naka sorkar India ba kan ai iaka REPARATION namar ki kam thombor,kam beaiń jong ka iaka jaidbynriew jongngi.
Nga kyntu ruh iaki paidbah,ki syiem,ki Rangbah shnong ba kim dei ban iatreilang bad ki pulit kumba lah kren da u Rangbah Shnong ka Laitumkhrah uba kwah ban iarap iaki pulit ha kato ka jingbthei IED, lada don napdeng jong ki kiba kum kita, ka seng ka sngewthuh kaei ba ka dei ban leh iaki. Ka long kaba shisha ruh ba ka HNLC ka phah shithi sha ki politician bad Kito kiba lah iohpdiang iaka shithi ka seng ki hap ban siew iaka khajna, kumba ka long mynta kine ki politician kim dei ki nongialam jong ka Jaidbynriew jongngi, hynrei ki dei tang ki tynshop kiba trei na bynta ka jingmyntoi jong ka Sorkar India.
Kat nangmih ki sngi ka HNLC ka nangiohbor da ka jinglah jong kiba bun ki khynnah samla kiba pyniasoh ialade bad ka seng. Ka jingrung jong ki sha ka seng kam dei ba ki duk ne kim iohkam iohjam kumba kynnoh u RG Lyngdoh,hynrei ka dei ba ki tip ka jia aiu haka pyrthei,ki tip shaphang ki Revolution,ki tip shaphang u Che Guevera, ki tip shaphang u Mao tse- tung, ki tip shaphang u Patrick henry,ki tip shaphang u Robespierre,ki tip shaphang u Toussaint,ki tip shaphang u James Connoly, ki tip shaphang u Fanon,ki tip shaphang u Zapata,ki tip shaphang u Subhash chandra Bose bad kaba kongsan ki tip shaphang ka jingialeh u Syiem Wickliff. Ki iohi ba ka saiñ pyrkhat ka Jingnang jingtip(philosophy) ka HNLC ka long ba ka ieng beit da kata ka Mynsiem ban ieid iala ka jong ka ri(Hynńiewtrep Nationalism) laka long haka sain hima,ka ioh ka kot ne ka imlang sahlang. Ka Hynńiewtrep Nationalism ka dei ka ‘gospel’ jong ka HNLC ba ngi sam sha ki paradoh parasnam. Ka jingbym iohkam iohjam ki samla ka dei ba ka rukom pyniaid haka pule dangle(educational system) ka long ka bymlerkam(non productive), ka system ka bym hikai iaki khynnah ba kin lah ban pynmih(productive) Na kata ka daw sa bun ki karkhana coke,ki karkhana cement ba lah longtrai daki dkhar,lah jan baroh hi ki kam baheh bad barit lah bat lut daki barjylla namar ngim long kita ki nongpynmih(Producers),ki jinghikai ha skul ba ngi ioh ruh ki long ki bym pura(functional illiteracy),ki kmie ki kpa kiba bun pisa ki hap phah pule iaki khun lajong shabar.
Ka seng ka lah ri kyrpang ruh iakita ki ‘Sleeper cells’ kumba ki ju ong haka ktien nongwei,kiba bun mynta ki dang iohthiah,ngi tang kyrsiew iaki ki lah kyndit. Ngin nym sangeh iaki kam pyntriem bad ka jingialeh ka HNLC kan iai bteng katba ngim pat ioh iaka jinglaitluid ka jaidbynriew.
Bun kiba kylli sa haei bah ka seng kan leh,balei phim leh ha them kharmetor ruh,don ki nongshun kiba dang kynthoh ba balei ngi leh haka jaka paidbah.Ngan pynkut da kaba ong ba u General uba stad ym ju pynpaw lypa aiu u thmu ban leh, u tip hi ban leh ha kano ka por bad ha kano ka jaka bad ym ju kwah ban iathuh ruh kiei kita ki buit(battle strategies)hakhmat ki nongshun ne kiba bun balang.
Sd/-
Saińkupar Nongtraw
General secretary cum Publicity secretary,HNLC
Em ngam don ban ong ei2,nga shu kwah kyrshan.👍👍