Phet bak u draibar ka kali kit tyngka napoh Bank bad ka pisa kaba 200 million

Karachi: U nongniah kawei ka van, kaba kit pisa haduh 200 million, ula jah rngai na “Wall Street” jong ka Karachi. Ka ejahar, ba la ai sha ki pulit, ka iathuh ba U Hussain Shah, uba dei u nongniah jong katei ka van, ula leit rung shapoh jong ka State Bank of Pakistan.

Katei ka jingjia, ka jia ha ka por mynsngi jong ka 9tarik Nailar 2021 bad la iathuh ba ka jingjia, ka dei ka bym shym la mutdur satia bad la iathuh ba katei ka dei ka pisa, kaba dei ban leit kit sha ka central Bank bad katba uwei na ki security guard, u dang pynbeit ia ki kot ki sla, hynrei, ynda ula mih napoh Bank, u lap ba ka kali bad u nongniah um don shuh.

Mar kumta, ula phone ia u nongniah, ha kaba ula jubab ba un sa wan phai noh mar mar, hynrei, un da la phone biang, ula pynlip noh ia ka phone jongu ruh. Kham hadien, ha ka jing ia wad, la lap ia katei ka kali, katba ka pisa bad u nongniah u la phet rieh ialade, ong ka khubor.