Sngewkhia ka HYC JHD, bym sngewthuh jingmut ki 6 shnong

Shillong:Ka HYC Jaiñtia Hill District ka dap da ka jingsngew khia ban ïohi ba ka la don ka jingbym ïa sngewthuh jingmut hapdeng ki 6 shnong bad ka Synjuk waheh Chong Jowai halor ka jingleit theh Ñiut ka Jowai Municipal Board sha Mynkjai.

Na ka liang ka Seng ka pynpaw ba ïa kum kine ki kam dei ban don ka jingïa phyliew jingmut bad ka jingïakren ba sani ban lait na kino kino ki kynrum kynram bad ïoh kan poi ruh sha ka jingsngewsih.

Ka Seng HYC ka kyntu bad kyrpad ïa ki artylli ki synjuk Waheh Chong ba kin sngewbha ban ïa kynduh bad ba kin ïakren sahi bha halor kane ka kam.
“Phi la long ki riew Rangbah kiba la Shem phang bad ngi ngeit ba phin lah ban ia pynbeit ia kane ka kam.

Na ka Liang ka seng ka kyntu ruh ïa u DC ka West Jaiñtia Hill District bad kumjuh ruh ïa u CEM ka JHADC ba phin sngewbha ban long ki ksiang ban khot ban wer ïa kine ki ar kynhun ba kin ïa kren sngewthuh jingmut bad ban ïa pynbeit noh ïa kane ka kam, ong u Bah Roamingstar Lamare, General secretary, HYC, Jaiñtia hills district unit bad u President Mewathi Suchiang HYC Jaiñtia hills district unit.