Shah kem 1, pyndem 6 ki KSU Mawlai

Shillong, 5 Jymmang:
Ki pulit ki la kem ia 7 ngut ki dkhot ka KSU Mawlai Mawroh hadien ba la ioh ia ka jingujor ehajar na kawei ka kontraktor ka Kong Evan Sawian ha ka 1 tarik Jymmang.
Katkum ka khubor ba la pynlait da u SP ka East Khasi Hills, ka Kong Sawian ka la ujor ejahar ha ki pulit ba ha ka por 11 duna eiei mynstep, katto katne ngut ki briew ki la wan da ka kali ma ruti sha ka iing jongka ha Mawroh bad ki la pynmynsaw ia ki nongbylla da kaba kynnoh ki dei ki bar ri.
Mar ia ioh ia ka ehajar, ki pulit ka Mawlai ki la pynlong ia ka jingtohkit bad la lap ba ki dei ki dkhot ka KSU kiba leh ia kane bad ki la kem noh ia uwei na ki dkhot ba don bynta u Disvalenty Pohthmi, 21 snem na  Mawlai Mawroh, Dongktieh bad kurup noh ia ka kali ba pyndonkam ( Maruti Car ML 05 G 9453) ba ki pyndonkam.  Hadien ba la kem ia une u dkhot, kiwei pat kiba donkti ki la wan ban pyndem noh bad ki la pulit ki la kem ia ki ba kynthup  Pynskhemlang Myr thong, Donbok Sawkmie, Mc Donal Jaitim, Mark Thabah, Kitboklang Warbah, bad u Jasperlec Pakyntein.