Trei ka pang khlam corona, ia u myntri ka sorkar Assam

U Atul Bora, myntri kam rep ka sorkar Assam, ula ioh pang Covid-19 bad mynta, ka sngi, ula leit shah sumar ha Gauhati Medical College and Hospital (GMCH).

“Nga la ioh ia ka jingpang khlam covid 19 bad ki don ki dak jingpang kiba paw malu mala. Nga kyrpad ia kito kiba la ia kynduh ia nga bad kin phah test kloi ialade” ong U Bora. La iathuh ba ka jinglong jong ka koit ka khiah jong utei u myntri, uba dei ruh U President ka Asom Gana Parishad (AGP), ka biang lut nadong shadong.

U Bora, ula leit ha ki khyndiat ba ladep sha Aizawl bad ula don lang ruh ha ka jing ia kynduh U Himanta Biswa Sarma, myntri rangbah ka Assam bad ka kynhun ki myntri sorkar na Meghalaya, ha ka jing ialang ha Guwahati, ha ka 6tarik mynta u bnai, kaba dei myn sngi thohdieng.