30 percent, yn iaid ki kali ha nongbah Shillong, 50pc ha ki nongkyndong

Shillong: Naduh lashai ka sngi, ka 9tarik Nailar 2021, yn shah ia 30 percent ki kali, ba kin iaid kamai ha ka nongbah Shillong bad ha ki khapsor ruh, ong ka hukum, ba la pynmih da ka Deputy Commissioner, East Khasi hills District.

Ha kine ki sngi, yn shah ia ki City Bus, ki Mini Bus, ki Local Taxi, ki Auto-Rickshaw bad ki Maxi Cab (SSPTS) ba kin iaid kamai ha ka nongbah Shillong, ba kynthup ia ki jaka Municipal, ki jaka Cantonment, ki shnong heh jong ka Mawlai C & RD Block bad ka Mawpat C & RD Block bad ki jaka ka Mylliem C & RD Block.

Yn nym shah ia ki nongleit jingleit, ban leit shabar jong kitei ki jaka ba la jer kyrteng haneng bad yn nym shah ruh, ba kin iaid na kawei ka District sha kawei pat, khlem da don ki pass kiba biang.

Ha ki nongkyndong, ba kynthup ia ka Sohra bad ka Pynursla Civil Sub Division, Ka Mawryngkneng, Mawsynram, Mawkynrew, Sohiong, Mawphlang, yn shah ia ki kali, ba kin iaid 50 percent ha ka shisngi, ha kaba kin iaid ha ki sngi, ba ki plie ia ki dukan die marbam.