Pluh iing ha Upper Lachumiere, hadien ba ka la don ka jinglait lyer ka tyndong lyer shet

Shillong: Ha kawei ka jingjia pluh iing kaba la jia ha ka miet jong ka 6 tarik u bnai Nailar 2021 ha ka por 9 baje eiei ha kaba kawei ka ïing kaba don ha Upper Lachumiere ka la kem ding kynsan, hadien ba ka tyndong lyer shet jingshet ka la lait lyer. Ki paidbah nongshong shnong jong ka Lachumiere ki la iohsngew ia ka jingbthei kaba jam bha ha ka por kumba 9 shipawa eiei kaba la bthei na ka daw jong katei ka tyndong lyer shet bad katei ka jingbthei ka la pynlong ia ki briew ba kin mih bad peit shabar bad hadien ba ki la mih ban peit ki la iohi pynban ia katei ka ding kaba la klang bha ha kawei na ki iing kaba don ha katei ka shnong.

Katkum ki tyllong khubor kiba la ioh lum la iathuh ba ia katei ka iing la long trai da ka Kong Juliet C Shabong bad la ai wai pat sha ki nongshongwai bad katei ka iing ka don haduh kumba phra kynrad eiei.

Ha katei ka jingjia ym shym la don kano kano ka jingjia kaba sngewsih namar ba ki briew kiba shong ba sah ha katei ka iing ki la ioh ban mih pynsted shabar hashwa ba kan bthei katei ka tyndong lyer shet.

Hadien ba la ioh jingtip halor katei ka jingjia ki kali pynlip ding ki la wan poi mar mar ha katei ka jaka ban tem noh ia ka ding ba kan klang.