Khlad arngut, na ka jingshah pom pyrthat ha Iongnoh, West Jaiñtia Hills

Jowai: Arngut ki briew, ki la iap ei, ha ka jingshah tied pyrthat mynta ka sngi. Katei ka jingjia, ka dei katba kitei ki arngut, ki dang trei lyngkha, ong ka khubor.

Katei ka jingjia, ka la jia ha ka shnong Iongnoh kaba hap hapoh ka West Jaiñtia Hills District. Katei ka jingjia ka la jia ha ka por 12 baje mynsngi ha ka por ba la ther bha u lapbah lapsan.

Katkum ki tyllong khubor kiba la ioh lum la iathuh ba ka kyrteng jong kitei ki arngut kiba la shah pom pyrthat ki dei kiba la tip kyrteng kum ka Kong Berlin Shylla kaba don 43 snem ka rta bad uwei u dei u khunruit jong ka ia u ba la tip kyrteng kum u Ebiangmi Shylla u ba dang 17 snem ka rta.