Man ki ishu, hap dawa ki paidbah?

Khyndiat sngi mynshwa, haba ki pulit Assam, ki leit kurup ia ka Iongkhuli, ka mih ka jing iakren, kaba ong, ba ki pulit jong ka Meghalaya, ki ieng shadien, katba ki paidbah ki tur shakhmat.

Katei kam dei ka jingjia tang hangtei, hynrei, ha Langpih, ruh ngi iohi, ba ki paidbah, ki iap ha u snem 2001, halor kajuh ka phang hi, ha kaba ki paidbah ki mih shakhmat bad kitei ki dei khyndiat tylli ki nuksa, hynrei ban niew tang ia kitei, ka la jrong palat.

Hynrei ka mat, kaba hap iakren hangne, ka long ba kumno sha ia ki kam jong ka sorkar, hap ban pyniaid na khyrdop ka Secre teriat, na Motphran, na surok bad na ki rynsan paidbah?

Halor ka bai sngi, ki nong bylla, ka pynbna hi ka sorkar, ha u snem ba ladep, hynrei, ban siew kam siew thikna bad hap leit shong kyrain ha khyrdop Secrete riat ban dawa ia ka pisa; wan ka jaka bret niut ha Mawiong, hangta ruh, hap leit khang tala, ka wan sa ka jing iakren ban wad da kaba thymmai, wan sa ka Iongkhuli, hangne ruh hap ia mih khrui da u paidlang ban iada bad haduh mynta ruh ym pat iohi, ba kin ieng biang ki nar ilektrik, ba la shah pyn khyllem; wan sa ka ia kajia pud bad hangne ruh, la iohi, kumba ki paidbah, ki kham bun ki dulir ban ia ka sorkar bad wan sa ka mat ILP ruh, la iohi, kumba ki kham kitkhia pynban da ki sengbhalang, ban ia ki myntri sorkar jylla, wan sa ka sniew surok bad hangta ruh, la iohi, ba ki paidbah sha Bhoi bad sha Huroi, khappud jong ka Bang ladesh, ba ki hap ia kitkhia hi dalade.

Kitei ki long khyndiat tylli ki nuksa bad haba ka long kumne, ka wan noh ka jingmut, ba ka sorkar, imat, ka ju trei kam, tang haba don ka jingshah pynbor lane kaba mut, ba nalade kam don satia kano kano ka mat treikam, lada kam mih ka jing iakhih paidbah.
Ki paidbah, ki ju pyn kylla ia ka sorkar, shisien san snem bad ha ka jylla Meghalaya, ngi ioh, da ka sorkar ki seng trai ri ha u snem 2018, hadien ba ka la synshar suk ka seng Congress, ha ki phew phew snem ba ladep bad ka jingjied ka long ba ki paidbah, ki don da ka jingkyrmen lem bad ki jing kular jong kine ki seng synrop, ha ka jing ialam jong ka NPP; hynrei lada ki jing trei kam, ki iaid tang lyngba ki jingshah pynbor, ka long kaba i eh shibun, ban thew ia u diengkot jong kane ka sorkar.