Shah kem ar ngut ba batbor ia ki khynnah rit

Jowai, 27 Iaiong:
Arngut ki briew kiba la kynnoh ba kidei ki nongbatbor ia ar ngut ki khynnah kynthei ki la shah kem noh ha ki pulit jong ka West Jaintia HIlls District.
Uwei uba la shah kem udei uba la tip kyrteng kum u Lakhon Biam uba dei na ka shnong Nangbah uba la donkti ban bat bor ia ka khynnah 6 snem kaba don jingduna ha ka bor pyrkhat pyr dain. Une u Lakhon Biam u la leh ia katei ka kam runar ha une u bnai bad ki pulit hadien ba la ioh ia ka jingujor ki la thwet bad ioh kem na u na thain Umiam uba la phetrieh ia lade.
Uwei pat uba la shah kem u dei u Bijoy Boro uba la donkti ban bat bor ia laka ka khun nah jong u hi. Kane ka la jia naduh u bnai ba nyngkong une u snem hynrei hadien ba u la phet rieh, ki pulit ki la ioh kem ia u na Ladrymbai
Ia kitei ki ar ngut, la pynngat ia ki hapoh ka POCSO ACT kaba ain kaba iadei bad ka jinglehbein ia ki khynnah ba dang rit rta.