Shillong, 27 Iaiong:
Haduh 35 ngut ki samla donsap na kylleng ka ri lum Khasi Jaintia ki la rung sha ka kylla ba nyngkong jong ka jing iakop pyni sap ka Megha laya Got Talent ka ban long ha nongbah Shil long. Na kitei ki 35 ngut 24 ngut ki dei na East Khasi Hills, 4 ngut na Garo Hills, 3 ngut na South West Khasi Hills, 2 ngut na West Khasi Hills, marwei na Ri Bhoi bad Jaintia hills.
Ia ka jingiakhun ha ka kylla ba nyngkong yn pyni paidbah ha ki Cable ( TV) , katba ka Meghalaya Social Programme Welfare Development Organisation (MSPWDO) kaba pynlog ia katei ka jingiakop pyni sap ka la pyntip ba kan sdang ia ka jingiathep vote hadien ba la dep pyn ha ki Television ia ki sap jong ki nongiashim bynta.Yn leh ia ka jingiathep vote lyngba ka SMS tang lyngba ka Sim Card Aircel .
Lah ban kdew ba ha shuwa ban jied ia ki 35 ngut la pynlong ia ka Audition ha manla ki district ban wad ia ki samla donsap. Ki nongjop ha katei ka jingiakop kin ioh khung T.2 lak tyngka ka khusnam, ba –ar T.80 hajar tyngka bad balai T.30 hajar tyngka.
U samla Sevensonly Thubru, 18 snem karta u dei tang ma u marwei uba la ioh rung sha katei ka ryn san na baroh kawei ka ri lum Jaintia napdeng kiwei pat ki samla kiba la iakhun ban shah jied ha ka Audition kaba la long ha nongbah Shillong dang shen. Utei u samla u dei na ka shnong Nangbah, West Jaintia hill, ka sap kyrpang ba u pyni ha katei ka jingiakop pyni sap ka dei da kaba pynshad tyllun ia ka bol ha ka met jong u , bad ka jingpyni ia ka rukom kyndok bol kab ala tip kum ka ‘Free style Football Skill’, u dei ruh uwei na ki nongialehkai jong kawei ka klob ha ka shnong jong u. Kibahaing hasem utei u samla ki la kyrpad ia baroh ki nongkyrshan na ri lum Jaintia bad kumjuh na kiwei dei ki distrik ba don hapoh ka jylla ba kin kyrshan ia utei u samla da kaba vote ia u ha une u Code Number SEV phah sha u 520405, ka por vote kan sdang naduh naduh ka 27 tarik mynta u bnai haduh ka 8 tarik ha une u bnai ban wan lyngba ka Aircel Mobile connection.
Phi don ban ong eiei?