Ioh pang shit ki khynnah, hadien ba ki la bam icecream na Ladrymbai bad Khliehriat

Shillong: Hadien ba ki khynnahrit ki la ioh kem pang shitmet na ka daw ba ki la bam ia ki icecream ba la die da ki nongdie icecream ha ki surok bad khnang ban pyntikna ba ka jingpang Covid-19 kan nym saphriang shane shatai lyngba ki icecream, kumta ha ka sngi Nyngkong kata ka 2 tarik u bnai Nailar 2021, na ka liang jong u Deputy Commissioner ka East Jaiñtia Hills District, u la phah ia ki ophisar jong ka Food and Safety ba kin leit ban shim nongmuna na ki nongdie icecream na Ladrymbai bad na ki thaiñ Khliehriat baroh kawei bad ha kajuh ka por la hukum ruh ia ki nongdie ice cream ba kin nym pat die ia ki icecream tad haduh ban da ioh ia ka kaiphod ban pyntikna ba kine ki icecream ki lait na ka khlam Covid-19.