Yn shu dro noh na suin, ia ka map ki jylla shatei lam mihngi

Guwahati: Ka sorkar India, ka la rai ban dro ia u pud u sam hapdeng ki jylla jong ka thain shatei lam mihngi, da ka jingring dur, lyngba u satellite na suin.

Ka sorkar India, ka la aiti ia katei ka kam, ha ka North Eastern Space Application Centre (NESAC), kaba dei lyngba ka jingshim bynta lang jong ka Department of Space (DoS) bad ka North Eastern Council (NEC) bad la iathuh, ba katei ka dei ka jingmut, kaba la wan rah, da U Amit Shah, myntri kam poh iing ka sorkar India.