Rung tuh u pulit ha hostel kynthei

Shillong, 26 Iaiong:
U Br. Albert Dkhar, Principal ka St.Anthony’s College u la ujor sha ki pulit ka Laitumkhrah PS , Shillong ba ha ka miet 24 tarik ha ka por 9 baje mynmiet ki bor pyniaid hostel ka Margaret Girls Hostel, St.Anthony’s College , Shillong ki la ioh kem ia uwei u briew uba la tip kyrteng kum u Daniel Thabah uba la rung tuh hapoh katei ka hostel kynthei. La ioh bat ia u ha ka por ba u dang iaid sharum shaneng ka hostel, utei u briew u dei ruh u pulit ka Fireman of Fire & Emergency Service, Nongthymmai, Shillong. Ki pulit ki la kem ia utei u pulit.