Mynjur ka Assam, Nagaland, ban ia kynran noh, na ka jaka ia kynad ha khappud

Guwahati: Ban pyn thanda ia ka jing ia kynad ha khappud ka Assam bad ka Nagaland, ki sorkar jong ki ar tylli ki jylla, ki la ia mynjur ban kynriah noh ia ki pulit jongki, na ki jaka ba ki don mynta, ha ki khappud, ba don ka jing ia kam pud, da kitei ki jylla khappud.

U Himanta Sarma, myntri rangbah ka Assam, u da iaroh jur ia katei ka rai jong ki ar jylla, ha kaba u shim, ba ka dei kaba sah kynmaw shi katdei.

Katei ka rai, ka mih ha ka jing ia kynduh ki Chief Secretary jong ka Nagaland bad ka Assam, kaba la long ha Dimapur, mynta ka sngi.

Ka Assam, ka kam ba kitei ki ar tylli ki jaka, ki hap ha ka Dessoi Valley Reserve Forest ha Jorhat district, katba ka Nagaland, ka kam ba katei ka jaka, ka hap ha ka them Tsurangkong ha Mokokchung district. La iathuh ba katei ka jing kynriah jong ki pulit, kan sdang noh mar mar bad kan kut hapoh ka 24 kynta.

Ha ka jing ia mynjur, ki ar jylla, kin buh da ki drone lane ki jingring dur na u satellite, ba kan nym don ka jing ia tam pud, na kano kano ka liang.