Guwahati: Ki pulit jong ka Mizoram, ki la ejahar pyrshah ia U Himanta Biswa Sarma, myntri rangbah ka Assam, sa hynriew ngut ki heh sorkar lem bad 200ngut ki pulit, kiba donkti ha ki kam pyn kulmar, ha ka 26tarik Naitung 2021 ha khappud jong ki ar jylla.
Ki heh sorkar, kiba la shah ejahar, ki long U Anurag Agarwal, Inspector General of Police, U Devejyoti Mukherjee, Deputy Inspector General of Police, U Keerthi Jalli, District Magistrate ka Cachar, U Vaibhav Chandrakant Nimbalkar, Superintendent of Police, Cachar, U Sunnydeo Choudhury, Divisional Forest Officer bad U Sahab Uddin,Office in charge Dholai police station.
La phah da ka WT mesej sha U Chief Secretary ka Assam, ha kaba la bthah ba kitei kiba la jer kyrteng haneng, kin leit mih ha ka 1tarik Nailar 2021, ha ka ophis U Sub Divisional Police Officer (SDPO), Vairengte ha Kolasib district, ban tohkit ia ki, halor katei ka jingjia.
Phi don ban ong eiei?