Shillong:U Bah Vincent H Pala u ba dei u MP ka Shillong jong ka Lok Sabha u la ong ba ka jingiakajia pud sam hapdeng ki jylla jong ka shatei lam mihngi ka la long kaba shyrkhei haduh katta katta naduh ba ka Sorkar bathymmai ba la ialam da ka Bharatiya Janata Party(BJP) ka la shimti ia u lakam synshar hapoh ka jylla Assam.
Ha ka sngi Thohdieng kata ka 30 tarik u bnai Naitung 2021, ha ka shithi ba la phah sha u Myntri Rangbahduh ka Ri, u Narendra Modi,u Bah Vincent H Pala, u la ong, naduh ba la shimti ka seng BJP ia u lakam synshar ha ka jylla Assam la mih satang ki kynrum ki kynram bad ki jingiahuri hura suda bad kaba la pynmih ia ki jingbitar suda. U la ong ruh kane ka jingiakajia pud sam hapoh ki jylla ka ktah ia ka jingshongsuk shongsaiñ bad ka jingiadei jong ki para jylla.
U Bah Vincent H Pala u la kyrpad ia u Myntri Rangbahduh ka Ri, u Narendra Modi ba un tuklar lang ha kaba iadei bad kane bad ba un leh eiei ban pyllait ia ki jylla na kane ka jingiakajia pud.
U Bah Vincent u la ong ba ka jingjia ba dang shu dep jia shen hapdeng ki khappud jong ka jylla Mizoram bad Assam ka la pynthut bad ka la weng ia ka jingshongsuk bad ka jingshong shngaiñ ha kine ki thaiñ baroh kawei. Shuh shuh u la ong ruh ba ka jingiakajia pud hapdeng ka jylla Assam bad kiwei kiwei ki jylla jong ka shatei lam mihngi ka Northeast kata bad ka Tripura, ka Manipur bad kiwei kiwei ka la long kaba naduh hyndai hynthai.
Kane ka bym dei ban ong ba naduh ba bad ka bjp ha Assam ka ia khajia pud. Kane hato kam dei kaba lah slem bha?
Imat u ma pala u dang khynnah kyrta than ban kynmaw naduh ka por jongka congress.wat nga u ba lah 25 snem kyrta shibun kiba nga dang kynmaw .ha ka jaka ban iada ia ka jylla na ka saw ka Sian u .siat politic pynban