Thmu hiar thma ki lehnoh ia ka Vatican

Rome, 24 Iaiong:
Ka la don ka jingsa phriang khubor ba ki kynhun seng lehnoh ki don ka jingthmu ban hiar thma ia ka Vatican , iathuh ki bor ba bat ia ka ain ha Italy. U Mauro Mura uba dei u khliehduh jong ka ki nongiasaid ain ka Cagliari haba kren sha ki lad khubor u la ong ba ka don ruh ka jingthmu ban hiar thma ia ka Pakistan bad ka Afghanistan. Hadien ba la ioh lum ia katei ka jingtip ka la don ka jingkhynra lehnoh kaba jur ha Italy ha kaba la suba jur ba ki don 18 ngut kiba don jingiadei bad ka Al Qaida ki don ha katei ka ri. Ki khubor pulit na Italy ki la iathuh ba don kiba ki la ioh kem kiba kynthup ia ki riew shitniam, katba kiwei pat la ngeit ba ki phet krad na katei ka ri. Uwei na ki shipai rangbah jong ka Iraq u la kam ba ki bor shipai ki la pyniap haduh da ki spah ngut ki lehnoh ISIS bad u la kam ba ki la ioh knieh biang ruh ia ka Anbar Province, ka jaka ba katei ka seng lehnoh ka la hiar thma ha ki taiew ba la dep. U Lieutenant General Abdul Amir al Shammari haba ia kren bad kawei ka lad khubor u la ong palat 250 ngut ki lehnoh la pyniap tang ha kine ki khyndiat sngi. U la ong ba ia katei ka lah ban leh da ka jingiarap lang jong ki shipai Iraq. Katba ha kawe pat ka khubor , la ong ba ka ISIS ka la ioh kurup ia ka Ramadi dang ha ka taiew ba dang shu dep bad ka la synshar ia baroh kawei ka bynta jong ka, la ong ba katei ka seng lehnoh ka la hiar thma da ki riew kheinduh ban pynpra ia ki jingtei sorkar bad ki jaka ap pahara ki shipai. La iathuh ba da ki hajar ngut ki ophisar pulit ki la phet krad na Ramadi ban leit phai biang sha ing , namarba ki lehnoh ISIS ki la nangdap ha katei ka jaka. U Staff Maj Gen Mohammed Khalaf Saeed, uba dei u khlieh duh ba shipor ka Anbar Operations Command, u la ong ba palat 5000 ngut ki he hpulit bad jan baroh ki kynhun pulit ki la phet krad na katei ka jaka hadien ba ki bna khubor ba ki ISIS ki la tur sha katei ak jaka, bad mynta la ong ba don sa tang 1000 ngut ki shipai ban iada ia katei ka ri. Shuh shuh la iathuh ba ki bor shipai ba la ialam da ka Amerika ki la pynkhreh 16 tylli ki naming ban hiar thma ia ka ISIS ha Iraq bad 5 tylli ha Syria naduh ka sngi balang.