Uno uno, u bym peit bha ia ka kam, ba la bynshet, dei ban weng ia u, ong u myntri UDP

Shillong: U Ma Kyrmen Shylla, MLA na ka United Democratic Party, u ba long ruh u myntri ba dei peit ia ka tnad Social welfare, u la ong uno uno u myntri u bym peit bha ia ka tnad sorkar kaba la pynkhamti, ka sorkar jylla ruh ka lah ban weng ia ki.

“Yn ym don uno uno ruh u myntri sorkar u ban kwah ban shah weng na ka kynhun myntri jong ka sorkar jylla, hynrei lada ka party lane ka sorkar ka lap ba ka jingtreikam jong ngi na ka bynta ka tnad ka ba la bynshat ia ngi kam long ka ba bha kamut ngi lah ban shah weng noh” la ong u bah Shylla ia ki lad pathai khubor.

U bah Shylla u la iathuh ruh ba naduh ba thaw ia ka sorkar MDA ha ka party UDP, kam shem la don kano kano ka jingpynbeit ban bujli myntri bad lada don kum kata ka jingthmu ban bujli myntri hapoh ka UDP. “Ngi khlem don kano kano ka jingia pynbeit lupa ban ia bujli myntri hapoh ka party UDP, hynrei lada ka party bad u president ka party ki i donkam ban kylliang myntri, ngin sa ia kren shuwa hapdeng jong ngi”u la ong. U myntri u la pynpaw ruh “Nga don ka jingshaniah ka ba skhem ha ka sorkar MDA bad ha ka party ba ngan neh haduh da kut ka samoi trei kam ka sorkar MDA, namar ba nga la trei bha na ka bynta ka tnad ka ba ki la bynshet ha nga”