Thaw da ka kynhun shipai Khasi, ong ka KHNAM

Shillong, 23 Iaiong: 
Ka Khun Hynñiew trep National Awakening Movement (KH NAM)  ka la ai jingmut ia ka sor kar pdeng bad kan thaw noh da ka kynhun shipai  khasi ha ka Indian army na bynta ban wanrah ia ka jingiatylli ka myn siem ieid ri, la ong ki nongmih khmat ka KHN AM hyn nin ka sngi ha ka jingia kynduh ia u President ka BJP u Amit Shah.
Ia ka kynhun shipai Assam bad shipai Naga la thaw da ka Indian army, la ong u President ka KHNAM u bah Pyn dapborthiaw Saibon bad u la bynrap ba ka jingthaw ia ka kynhun shipai khasi kan long ka lad ban ai kam ai jam ia ki khasi bad kumjuh ruh kan wanrah ia ka jingsngewieid ri bad ka jaidbynriew.
“Kane kan wanrah ka jingkylla ha ka rukom pyrkhat ka jingsngew ki paidbah ha kane ka thain”, la ong u bah Saibon. Ka KHNAM hynnin ka sngi ka la kren ruh halor ka jingrung kyrthlep ki briew nabar sha kane ka jylla, ka jingsniew ka suk ka sain, ka jingpyrshah ban tih uranium, ka jingtreikam jong ki Autonomous District Council  bad ka Khasi Hills Autonomous District Council (KHADC) bad donkam ban wanrah ia ka ain khang kyntiap seng ha district council, ban thung ia ka boundary commission ban iapynbeit ia ki jingiakajia khappud ka Meghalaya bad Assam.
U Bah Saibon u la ong ba ka KHNAM ka la dawa ruh ban thung noh ia u Lat uba pura ia ka jylla Meghalaya.