Shillong:U myntri rangbah ka jylla, U Conrad K Sangma u la kyntu ia ki nongshong shnong ha baroh ar tylli ki jylla, ba ki dei ban kiar na kano kano ka jingpynmih ia ka jingkulmar, khnang ba ka sorkar Assam bad ka sorkar Meghalaya kin lah ban pynbeit noh ia u pud u sam.
Haba ia kren bad ki lad pathai khubor halor ka jing ia kajia kaba la mih ha Iongkhuli, Ri Bhoi District, u myntri rangbah u la ong u la dep ban ia kren bad u myntri rangbah ka jylla Assam hynnin ka sngi bad mynta ka sngi bad la shim ruh ia ka rai ba kan ym dei shuh ban don kano kano ka jingia kajia bad ka dei ban don ruh ka jingpynneh ia ka shongsuk shongsaiñ ha kine ki jylla.
“Na ka liang ka sorkar MDA nga la dep ban bthah ia u MLA ka Jirang Constituency u bah Sosthenes Sohtun ba un leit ban jurip hi da la de ia kane ka thain ban ia kren bad ki nongshong shong ha kane ka thain bad ban phah ia kaiphot sha ka sorkar”u la ong.
“Nga la dep ruh ban ia kren bad ka Deputy Commissioner jong ka Ri Bhoi District bad kumjuh u Chief Secretary u la dep ban ia kren bad ka Assam bad kumjuh ka Deputy Commissioner ka RiBhoi ruh la dep ban ia kren bad u Deputy Commissioner ka Kamrup bad ka jinglong jingman mynta ka don hapdeng ka suk ka sai?”u la bynrap.
“Nga kyntu ia ki nongshong shnong na ka jylla Meghalaya bad ka jylla Assam ba ki dei ban kiar na kano kano ka jingpynmih ia ka jingkulmar khnang ban lah ban shim ia ka rai ban lah ban weng noh ia kine ki jingeh”u la bynrap.
U can’t even fix the problem face by the Garo people n your Garo state it so underdeveloped. What make u think u will fix this issue which has left for a half century ago…. keep on bluffing the people of Meghalaya.
PS we also go to school like you, before u think we already know.