KI JINGJYNJAR

AIS Suja

Ki jingjynjar ha u briew ki don bunjait ha kane ka pyrthei , lada u long kumno kumno ruh, u briew te u briew u hap ban mad iaka jynjar , namar ba u Blei ula bitar naduh kper Eden ia u Adam . Jenesis 3:17-19.Bad kata ka dei ka jinglong u briew ban mad iaki jingjynjar , namar u Adam uba nyngkong u la ryngkang iaka hukum u Blei. Hynrei u Adam uba ar (u Jisu) u la wan ban pyllait ia u briew naka jingiap ei haka pop .Uta u briew (Adam) ba nyngkong ula long naka khyndew ,uba kynja dewmet :u ta u briew ba ar (Adam ba ar , u Jisu) u long u Trai ka bneng .1 Korinth15:45-47.

Hooid u Jisu u wan ban pyllait ia u briew naka pop naka dujok ding. Hynrei kam mut pat ba u briew un lait na kata ka jynjar haka long briew man briew ha kane ka doh. U briew u hap ban tyngkhuh ia kiei kiei baroh katba u dang don hangne ha pyrthei. Hangne, u Jisu u la dep iathuh 2000snem mynshwa ba kan poi ka por jong ki jingjynjar ia u briew ha kane ka pyrthei. U Jisu u ong- “Phin saioh sngew shaphang ki thma, ki jingbna ki thma, to sumar , wat khuslai naba kadei ia kine kiei kiei ba kinjia. Hynrei kaba kut kam pat jia.”

Ka kynja bynriew kan ieng ialeh iaka kynja bynriew, ka hima iaka hima:kin long ki nemsniew , ki jingiapthem jingkhynniuh jumai ha shibun ki jaka . KINE BAROH KI LONG TANG KI JINGSDANG KI JINGJYNJAR.’’Mathaios24:3-8. Hooid ngi iohi ba ki thma bad ki nemsniew ki la don naduh ki hajar ki snem bad mynta. Ki la ju don ruh ki jumai bajur haki spah snem ba mynshwa .Hynrei kaei kaba ngi iohi haka juk ba mynta ka long kaba khampalat bad ka jur shuh shuh. Katba ka pyrthei kala nangkiew ha ka jingstad, katta ki jingjynjar ki nangbun bad kaba kham khraw ka don sha khmat. Ngi im haki sngi kiba khadduh eh, ka kynja bynriew ka ieng ialeh iaka kynja bynriew , ka hima iaka hima , bad ngi iohi mynta ia kata haka Ri bad ka bad ka hima jong ngi b aka don ka jingialeh para jaitbynriew para hima , kum ka nuksa India, Pakistan ,China. Assam Meghalaya, Mizoram bad kumta ter ter. Ki mih ki jingia knieh pud knieh sam. Kine ki long kita ki dak jong ki sngi ba khadduh ha kaba ymdon shuh ka shongsuk shongsain.

Ki khlam ki nemsniew, ki ktah shibun iaka ioh ka kot, iaka koit ka khiah .U briew u im hapdeng ka jingrit mynsiem bad jingbymtikna kane ka jingim, kumba ka long mynta. Hynrei kiei kine ? Balei ki jia? Hato u Blei um tip bad iohi?. Hynrei u kwah ba lyngba kine ki jingjia ki briew kin wad iaka khmat jong u, namar kine baroh ki long tang ki jingsdang jong ka jingjynjar kiban sawan ngat haka pyrthei baroh kawei. Kaei kaba jia mynta, ka long tang ki jingsdang I barit ong ka ktien u Blei. U Blei u ai dak sha ka pyrthei da shibun bah ki dak kum ka jingpluhding, jingrang thyrkong, ki jumai, ki jingshlei um ha kylleng ki Ri ka pyrthei kumba ngi iohi mynta haki lad pathai khubor.Hooid u Blei un ym pynshlei shuh iaka pyrthei daka um .Jenesis 9:11-12.Te balei shlei um? Kine ki long tang ki dak jong kine ki sngi ba khadduh kein khnang ba ki briew kin tip ban pynkhreh laka jingim ban wad ia u Blei kein. Kine baroh ki long tang ki jingsdang jong kata ka jingjynjar bah. Mathaios 24:8

Ka dak ka jingsdang jong ki jingjynjar Bah ka ban sajia thret haka pyrthei (Great Tribulation) ka ban sa long ka por ba kordit tam ka por synshar u Mradkhlaw kein ka bympat ju long na myndanglong ka pyrthei bad kan ym long shuh ruh .Mathaios 24:21.Ka jingjynjar bah kan sajia haba ynda yn pynieng iakata ka jing ijli ba pynjot kein bala ong da u Daniel Nongiathuh lypa ba kan saieng haka jaka ba khuid, (haka Temple ha Jerusalem). Mathaios 24:15.

Dei kane kein kata ka porka jingjynjar bah ka ban sawan. Kiei kiei kiba jia mynta, ki long tang ki DAK jong ka jingsdang jong kata kaban sajia ha pyrthei baroh kawei hapoh kata ka por ki 7snem kiba khadduh ne ka shitaiew ba khadduh bala ong da u Daniel 9:27. Wat sngewphylla. Ngi don mynta haka lynti “kaba sdang jong ki jingjynjar ,kaban sawan. Donkam iaki briewban wad iaka khmat u Blei hakine ki sngi ba khadduh.” “Kata ka ia ka la jan”. Jingpynpaw 1:3.