Ka jaka put jaka tem ba T.151 klur ha Mawdiangdiang

Shillong, 23 Iaiong:
Ka sorkar jylla mynta ka sngi ka la buh maw nongrim ban tei ia ka jaka tem jaka put tynrai kaba la tip kum ka Shillong International Centre for Performing Arts and Culture (SIC PAC) ha Mawkasiang. Ha katei ka jingplie ia katei ka jaka put jaka tem la don u myntri ka tnad Art and Culture ka jylla u Clement Marak, ka myn tri kam pohing kong Roshan Warjri, ka myntri pynroi sor kong M. Ampareen Lyngdoh bad u myntri ka koit ka khiah u bah A L Hek.
Ia katei ka jingtei jaka tem jaka put la mang ha ka jinglut kaba T.151 klur tyngka, kaba la mang kyrpang da ka DoNER, ha ka jingiakut kaba 90 na ka shispah yn lut na ka katba 10 na ka shispah yn pynlut da ka sorkar jylla. Katei ka jaka ka dei kaba la mang ban pynlong ia ka put ka tem kaba bunjait ha ki prokram bah eh bah eh ha ki sngi ki ban wan, ka jaka hikai tem hikai put, ka jaka peit kai, ka Hall, ka jaka sah ki briew ba nabar, bad ka jingpyni nam ia ki tiar tynrai ki briew ka thain shatei lam mihngi. Ha katei ka sngi la donlang ruh u Principal Secretary, Arts & Culture, bah P W Ingty, u MLA katei ka thain u bah David Nongrum bad ka Director ka Arts & Culture, kong Matsiewdor War-Nongbri. Ki nongkren ha katei ka jingialang buh mawnongrim ki la kren ia ka jingmyntoi bad ka jingdonkam jong katei ka jaka ha ki sngi ki ban wan.