Bamja miet U Purno bad u Amit shah ha Polo Towers

Shillong, 22 Iaiong:
Mynta ka miet ka la don ka jingia bamja miet lang hapdeng u heh duh ka BJP u Amit Shah bad u President Rangbah ka NPP u Purno A Sangma ha Hotel Polo Towers. Ia katei ka jing ia bamja miet lang la ong ba ka dei kaba la khot sngewbha da u Purno A Sangma ia u shah bad ia kiwei pat ki nongialam BJP. La iathuh ba ha katei ka jingiabamja miet la donlang u Ram Madhav, u General Secretary ka BJP bad kumjuh ruh u President ka BJP na kane ka jylla u bah Khlur S Lyngdoh.
Ha katei ka jingiabam ja miet la ong ba ka la don bun ki jingiakren hapdeng kitei ki ar ngut ki hehduh jong ki ar seng sain pyrthei, hynrei ym shym la ioh khubor kaba shai la ka don ne-em ka jingiakren ia ka sain pyrthei. Hynrei la ong pat ba ka jingiakren ka long ba u Purno u la pynpaw ha u Amit Shah ba kam don shuh ka shongsuk shongsain ha kane ka jylla, ba jubor palat ka jingbam sap ka sorkar Congress kaba bat ia ka bor synshar ha kane ka jylla,ha kaba ki lad khubor ki la iathuh ba u Purno u la pynpaw ha u President ka BJP ia ki kam bamsap kum ka sia lieh ki nonghikai, ka kam bret ei ia ki dawai kaba la kot da ki spah klur tyngka bad kiwei kiwei.